Xəbərlər

1 İyun münasibətilə bayram tədbiri keçirildi

1 İyun – Uşaqların Beynəlxalq Müdafiəsi Günü münasibətilə Xırdalan şəhəri 11 nömrəli tam orta məktəbdə bayram tədbiri təşkil olunub. Tədbirdə məktəb rəhbərliyi, müəllimlər, şagirdlər, valideynlər və ictimaiyyət nümayəndələri iştirak ediblər.

Tədbir Azərbaycan Respublikasının Dövlət Himninin səsləndirilməsi ilə başlayıb, Ulu Öndər Heydər Əliyevin və Vətənimizin ərazi bütövlüyü, müstəqilliyi və suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.

Daha sonra çıxış edənlər 1 İyun – Uşaqların Beynəlxalq Müdafiəsi Gününün mahiyyəti, uşaqların hüquqlarının qorunması, onların sağlam və təhlükəsiz mühitdə böyüməsinin vacibliyi barədə fikirlərini bölüşüblər. Bildirilib ki, uşaqların hərtərəfli inkişafı, keyfiyyətli təhsil alması və vətənpərvər ruhda yetişməsi cəmiyyətin qarşısında duran ən mühüm vəzifələrdəndir.

Tədbirdə ETİHİ Abşeron Rayon Komitəsinin sədri Fəxrəddin Eyvazov iştirak edərək uşaqları bayram münasibətilə təbrik edib. O, çıxışında uşaqların ölkəmizin gələcəyi olduğunu vurğulayaraq onların hər zaman diqqət və qayğı ilə əhatə olunmasının vacibliyini qeyd edib, təhsildə və ictimai həyatda uğurlar arzulayıb.

Bayram proqramı çərçivəsində şagirdlər tərəfindən hazırlanmış rəngarəng ədəbi-bədii kompozisiya təqdim olunub. Uşaqların ifasında şeirlər səsləndirilib, mahnılar oxunub, milli və müasir rəqs nümunələri nümayiş etdirilib, maraqlı səhnəciklər təqdim olunub. Şagirdlərin çıxışları tədbir iştirakçıları tərəfindən böyük maraq və alqışlarla qarşılanıb.

Tədbirin yaddaqalan məqamlarından biri də uşaqlara xüsusi hədiyyələrin təqdim olunması olub. ETİHİ Abşeron Rayon Komitəsinin sədri Fəxrəddin Eyvazov tərəfindən uşaqlara müxtəlif hədiyyələr təqdim edilib. Bu diqqət və qayğı uşaqların sevincinə səbəb olub, bayram əhval-ruhiyyəsini daha da yüksəldib.

Sonda tədbir iştirakçıları uşaqların bayramını bir daha təbrik edərək onlara sağlam, firavan və xoşbəxt gələcək arzulayıblar. Xatirə şəkillərinin çəkdirilməsi ilə başa çatan tədbir iştirakçılarda xoş təəssüratlar yaradıb.

28 May – Respublika Günü qeyd olunub

28 May – Respublika Günü münasibətilə Xırdalan 11 nömrəli tam orta məktəbdə bayram tədbiri təşkil olunub. Tədbirdə məktəbin pedaqoji kollektivi, şagirdlər və valideynlər iştirak ediblər.

Tədbir Azərbaycan Respublikasının Dövlət Himninin səsləndirilməsi ilə başlayıb, Ulu Öndər Heydər Əliyevin və Vətənimizin ərazi bütövlüyü, suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.

Daha sonra çıxış edənlər xalqımızın müstəqillik uğrunda apardığı mübarizə və dövlətçilik ənənələrinin əhəmiyyəti haqqında geniş məlumat veriblər. Tədbirdə ETİHİ Abşeron Rayon Komitəsinin sədri Fəxrəddin Eyvazov da iştirak edib. Çıxışlarda 28 May – Respublika Gününün Azərbaycan tarixində mühüm yer tutduğu, müstəqilliyimizin qorunmasının və milli-mənəvi dəyərlərimizin gələcək nəsillərə çatdırılmasının vacibliyi vurğulanıb.

Bayram proqramı çərçivəsində məktəbin şagirdləri tərəfindən hazırlanmış bədii kompozisiya təqdim olunub. Şagirdlərin ifasında vətənpərvərlik mövzusunda şeirlər səsləndirilib, musiqi nömrələri və səhnəciklər nümayiş etdirilib. Milli geyimlərdə çıxış edən şagirdlərin hazırladıqları nömrələr tədbir iştirakçıları tərəfindən maraqla qarşılanıb.

Sonda tədbirin təşkilində əməyi olan müəllim və şagirdlərə təşəkkür bildirilib, xatirə şəkilləri çəkdirilib.

28 May və Qurban Bayramı münasibətilə tədbir keçirildi

ETİHİ Abşeron Rayon Komitəsinin təşkilatçılığı ilə 28 May – Müstəqillik Günü və müqəddəs Qurban bayramı münasibətilə bayram tədbiri təşkil olunub. Tədbirdə rayonun müxtəlif təhsil müəssisələrində çalışan həmkarlar ittifaqı üzvləri iştirak edərək əlamətdar günlərin sevincini birlikdə bölüşüblər.

Səmimi və yüksək əhval-ruhiyyə şəraitində keçirilən tədbirdə iştirakçılar milli-mənəvi dəyərlərimizin qorunmasının, cəmiyyətimizdə birlik və həmrəyliyin möhkəmləndirilməsinin vacibliyini xüsusi vurğulayıblar. Tədbir iştirakçıları üçün yaradılmış xoş atmosfer bayram ovqatını daha da artırıb, həmkarlar arasında qarşılıqlı ünsiyyət və əməkdaşlıq münasibətlərinin güclənməsinə töhfə verib.

Tədbir Azərbaycan Respublikasının Dövlət Himninin səsləndirilməsi ilə başlayıb, Ulu Öndər Heydər Əliyevin və Vətənimizin ərazi bütövlüyü və suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.

Tədbiri giriş sözü ilə açan ETİHİ Abşeron Rayon Komitəsinin sədri Fəxrəddin Eyvazov 28 May – Müstəqillik Gününün xalqımızın tarixində mühüm əhəmiyyət daşıdığını, dövlətçilik ənənələrimizin və milli birlik ruhunun təcəssümü olduğunu vurğulayıb. O, eyni zamanda müqəddəs Qurban bayramının cəmiyyətimizdə mərhəmət, paylaşma və həmrəylik dəyərlərini daha da gücləndirdiyini qeyd edərək iştirakçıları bayram münasibətilə təbrik edib.

Sonda iştirakçılar göstərilən diqqət və qayğıya görə təşkilatçılara təşəkkürlərini bildirərək, bu cür tədbirlərin həmrəylik və qarşılıqlı münasibətlərin möhkəmləndirilməsində mühüm rol oynadığını qeyd ediblər.

Xırdalan şəhər 15 nömrəli uşaq bağçası — Quba gəzintisi

16 may tarixində Xırdalan şəhər 15 nömrəli uşaq bağçası əməkdaşları üçün Quba rayonuna istirahət məqsədli ekskursiya təşkil edilib. Gəzintidə 27 nəfər iştirak edib.

Ekskursiya iştirakçıları səfər çərçivəsində Qubanın gözəl təbiət mənzərələrini seyr edib, bölgənin görməli yerləri ilə tanış olub və xoş anlar yaşayıblar. Səfər boyunca yaranan mehriban ab-hava və kollektiv ruhu iştirakçılarda xoş təəssüratlar formalaşdırıb.

Belə tədbirlər əməkdaşların sosial rifahının yüksəldilməsi, asudə vaxtının səmərəli təşkili və kollektiv münasibətlərinin daha da gücləndirilməsi baxımından xüsusi əhəmiyyət daşıyır.

Qarabağ səfəri təşkil olundu

Elm və Təhsil İşçiləri Həmkarlar İttifaqı Abşeron Rayon Komitəsinin təşkilatçılığı ilə 2–3 may tarixlərində müəssisə rəhbərlərinin iştirakı ilə Qarabağa asudə vaxtın səmərəli təşkili məqsədilə səfər həyata keçirilmişdir.

Səfər çərçivəsində iştirakçılar Şuşa, Laçın, Füzuli, Qubadlı və Ağdam rayonlarında olmuş, bu bölgələrin həm təbii gözəlliklərini, həm də bərpa və quruculuq işlərini yaxından izləmək imkanı əldə etmişlər.

Ziyarət zamanı qrup üzvləri Şuşa qalası, Cümə məscidi, İsa bulağı, Xan qızı Natəvanın abidəsi, eləcə də Ağdam Cümə məscidi kimi tarixi-mədəni məkanlarda olmuş, Füzuli şəhərində aparılan yenidənqurma işlərini yerində müşahidə etmişlər. Eyni zamanda şəhidlərimizin əziz xatirəsi ehtiramla yad edilmişdir.

Səfər müddətində iştirakçılar Xankəndi şəhərində yerləşən “Çinar” otelində qonaq olmuş, bölgədə səmərəli və yaddaqalan istirahət imkanı əldə etmişlər.

Bu kimi səfərlər həmkar üzvlərinin asudə vaxtının daha dolğun təşkili ilə yanaşı, kollektiv daxilində ünsiyyətin və həmrəyliyin möhkəmləndirilməsi baxımından əhəmiyyətlidir.

İsmayıllıya 2 günlük gəzinti

ETİHİ Abşeron Rayon Komitəsinin sədri Fəxrəddin Eyvazov və bir qrup ilk təşkilat sədrlərinin iştirakı ilə əməkdaşların asudə vaxtının səmərəli təşkili məqsədilə İsmayıllı rayonuna 2 günlük gəzinti təşkil olunmuşdur.

Gəzinti proqramına uyğun olaraq iştirakçılar Basqal və Lahıc qəsəbələrində olmuş, həmin ərazilərin təbiəti, tarixi abidələri, milli-mədəni dəyərləri ilə yaxından tanış olmuşlar.

Səfər iştirakçıların asudə vaxtının səmərəli və maraqlı keçirilməsinə, həmçinin kollektiv üzvləri arasında qarşılıqlı ünsiyyətin və həmrəyliyin daha da möhkəmlənməsinə töhfə vermişdir.

Xırdalan 22 nömrəli uşaq bağçası – Quba gəzintisi

Xırdalan 22 nömrəli uşaq bağçasının kollektivi üçün Quba rayonuna gəzinti təşkil olunub. Səfərdə ümumilikdə 27 nəfər iştirak edib.

Gəzinti iştirakçılar üçün həm istirahət, həm də kollektiv daxilində ünsiyyətin daha da gücləndirilməsi baxımından faydalı olub. Qubanın füsunkar təbiəti, təmiz havası və yaz mənzərələri səfərə xüsusi gözəllik qatıb.

Səmimi mühitdə keçirilən bu səfər kollektiv üzvləri üçün xoş təəssüratlarla yadda qalıb. Bu cür tədbirlər əməkdaşların asudə vaxtının səmərəli təşkili və kollektiv ruhunun möhkəmləndirilməsi baxımından mühüm əhəmiyyət daşıyır.

Sağlam iş mühiti mövzusunda maarifləndirici görüşlər

28 aprel – Ümumdünya Əməyin Mühafizəsi Günü ilə əlaqədar olaraq Beynəlxalq Əmək Təşkilatının 2026-cı il üçün müəyyən etdiyi “Sağlam psixososial iş mühitinin yaradılmasını təmin edək!” devizi əsasında ETİHİ Abşeron Rayon Komitəsinin təşkilatçılığı ilə xidmətində olan ümumtəhsil müəssisələrində maarifləndirici tədbirlər təşkil olunmuşdur.

Tədbirlərin əsas məqsədi iş yerlərində psixososial risklərin azaldılması, işçilərin psixoloji rifahının qorunması, sağlam iş mühitinin formalaşdırılması və əmək münasibətlərində qarşılıqlı hörmət və dəstəyin təşviq edilməsi olmuşdur.

Maarifləndirici görüşlər Xırdalan şəhəri 5 və 9 nömrəli tam orta məktəblərdə, Mehdiabad qəsəbə 5 nömrəli tam orta məktəbdə və Ceyranbatan 2 nömrəli tam orta məktəbdə keçirilmişdir.

Tədbirlərdə ETİHİ Abşeron Rayon Komitəsinin sədri Fəxrəddin Eyvazov, Komitənin aparıcı mütəxəssisi Türkan Bananiyarskaya, təhsil müəssisələrinin rəhbərləri, psixoloqları və ilk təşkilat sədrləri iştirak etmişlər.

Eyni zamanda ETİHİ Abşeron Rayon Komitəsinin sədri Fəxrəddin Eyvazov iştirakçıları maraqlandıran sualları cavablandırmışdır.

Tədbirlər zamanı iştirakçılara psixoloji təhlükəsizlik, iş stressinin idarə olunması, kollektivdə sağlam ünsiyyətin qurulması, işçi hüquqları və sosial müdafiə mexanizmləri barədə ətraflı məlumat verilmiş, mövzu ətrafında müzakirələr aparılmışdır.

Sonda iştirakçılar tərəfindən iş mühitinin yaxşılaşdırılması, psixoloji dəstək mexanizmlərinin gücləndirilməsi və kollektiv münasibətlərin inkişafı ilə bağlı təkliflər səsləndirilmişdir.

Təhsil işçiləri arasında intellekt mübarizə

7 aprel tarixində Xırdalan Şahmat Məktəbində Azərbaycan xalqının Ümummilli Lideri Heydər Əliyevin anadan olmasının 103-cü ildönümünə həsr olunmuş ümumtəhsil müəssisələrinin təhsil işçiləri arasında şahmat yarışı yüksək səviyyədə təşkil edilib və uğurla başa çatıb.

ETİHİ Abşeron Rayon Komitəsinin təşkilatçılığı ilə keçirilən yarış müəllimlərin analitik düşüncəsini, strateji baxışını və səbir keyfiyyətlərini üzə çıxarıb, eyni zamanda həmrəylik və dostluq mühitini gücləndirən intellekt platformasına çevrilib.

Tədbirin açılışında ETİHİ Abşeron Rayon Komitəsinin sədri Fəxrəddin Eyvazov iştirakçıları salamlayıb, onlara uğurlar arzulayıb və bu cür tədbirlərin müəllimlər arasında ünsiyyətin genişlənməsinə mühüm töhfə verdiyini vurğulayıb.

Şahmat qarşılaşmaları zamanı iştirakçılar yüksək məntiqi təfəkkür, soyuqqanlılıq və iradə nümayiş etdirərək maraqlı və gərgin oyunlarla yadda qalıblar. Yarışda ümumilikdə 15 nəfər təhsil işçisi iştirak edib.

Gərgin mübarizə şəraitində keçən yarışın yekununda qaliblər müəyyən olunub və diplomlarla, hədiyyələrlə mükafatlandırılıb:

I yer – İsrafilov Elşad

II yer – Qəniyev Aydın

III yer – Əliyev Elnur

Qalibləri ürəkdən təbrik edir, bütün iştirakçılara təşəkkürümüzü çatdırırıq.

Tədbirin təşkilində ETİHİ Abşeron Rayon Komitəsinin aparıcı mütəxəssisi Türkan Bananiyarskaya fəal iştirak edib. Yarışın yüksək səviyyədə və obyektiv keçirilməsinə töhfə verən hakim Rühəngiz Dibirovaya minnətdarlıq ifadə olunur.

ETİHİ-nin dəstəyi ilə inklüziv siniflərdə Novruz proqramı təşkil olundu

Xırdalan şəhər 11 nömrəli tam orta məktəbdə inklüziv siniflərdə təhsil alan şagirdlər üçün Novruz bayramına həsr olunmuş tədbir keçirilib.

Tədbirin əsas məqsədi inklüziv təhsil alan şagirdlərə bayram sevincini yaşatmaq, onların cəmiyyətə inteqrasiyasını dəstəkləmək və diqqət-mərhəmət mühitini gücləndirmək olub. Bayram proqramı çərçivəsində uşaqların iştirakı ilə maraqlı çıxışlar və bayram ab-havasını əks etdirən səhnəciklər təqdim edilib.

Tədbirdə iştirak edən ETİHİ Abşeron Rayon Komitəsinin sədri Fəxrəddin Eyvazov şagirdləri Novruz bayramı münasibətilə səmimi qəlbdən təbrik edərək, onlara can sağlığı, uğurlar və xoşbəxt gələcək arzulayıb. O, belə tədbirlərin uşaqların sosial inkişafında və özünəinamının artmasında mühüm rol oynadığını vurğulayıb.

Sonda şagirdlərə bayram münasibətilə qiymətli hədiyyələr təqdim olunub. Bu diqqət və qayğı uşaqlar tərəfindən böyük sevinc və minnətdarlıq hissi ilə qarşılanıb.

Keçirilən tədbir şagirdlər üçün unudulmaz anlarla yadda qalıb, onların üzündə təbəssüm, qəlbində isə bayram sevinci yaradıb.

İftar süfrəsi və Novruz bayramı

ETİHİ Abşeron Rayon Komitəsinin təşkilatçılığı ilə müqəddəs Ramazan ayı və xalqımızın qədim bayramı olan Novruz münasibətilə iftar süfrəsi təşkil olunub. Tədbirdə təhsil müəssisələrinin rəhbərləri, müəllimlər, qonaqlar, həmçinin şəhid ailələri, qazilər və veteranlar iştirak edərək bu əlamətdar günlərin sevincini birlikdə bölüşüblər.

Tədbir Azərbaycan Respublikasının Dövlət Himninin səsləndirilməsi ilə başlayıb, Ulu Öndər Heydər Əliyevin və Vətənimizin azadlığı və suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.

Tədbiri giriş sözü ilə açan ETİHİ Abşeron Rayon Komitəsinin sədri Fəxrəddin Eyvazov Ramazan ayının mənəvi dəyərlərindən, birlik və həmrəyliyin cəmiyyət həyatındakı əhəmiyyətindən bəhs edib. O, eyni zamanda Novruz bayramının milli-mənəvi dəyərlər sistemimizdə xüsusi yer tutduğunu vurğulayaraq iştirakçıları bayram münasibətilə təbrik edib.

Tədbirdə qonaq qismində iştirak edən şəhid ailələri, qazilər və veteranlara xüsusi ehtiram göstərilib. Çıxış edən qazi Vidadi Əliyev belə görüşlərin cəmiyyətdə həmrəylik və milli birliyin möhkəmlənməsində mühüm rol oynadığını qeyd edib.

Tədbir çərçivəsində iftar süfrəsi açılıb, dualar edilib, iştirakçılar səmimi və mehriban mühitdə bir araya gələrək bayram sevincini bölüşüblər.

Bədii hissədə şagirdlərin ifasında rəqs və musiqi nömrələri təqdim olunub. Xüsusilə I sinif şagirdlərinin ifasında “Uzundərə” rəqsi və Dəniz Teymurzadənin ifası iştirakçılar tərəfindən maraqla qarşılanaraq tədbirə xüsusi rəng qatıb.

Tədbirin sonunda iştirakçılara xoş arzular çatdırılıb, Ramazan ayının bərəkəti və Novruz bayramının ruzi-bolluq gətirməsi dilənilib.

Qazi Vidadi Əliyev qonağımız oldu

Vətənə xidmət yolunda fədakarlıq və vətənpərvərlik nümunəsi göstərmiş şəxslərdən biri – Xüsusi Təyinatlıların Qaziləri, Şəhid Ailələri və Veteranları İctimai Birliyinin Abşeron rayon filialının sədr müavini Vidadi Əliyev Elm və Təhsil İşçiləri Həmkarlar İttifaqı Abşeron Rayon Komitəsinin qonağı olub.

Görüş çərçivəsində qazi Vidadi Əliyev ETİHİ Abşeron Rayon Komitəsinin sədri Fəxrəddin Eyvazovla görüşərək qarşılıqlı fikir mübadiləsi aparıb. Söhbət zamanı şəhid ailələrinin və qazilərin sosial müdafiəsi, onların cəmiyyətə inteqrasiyası, eləcə də vətənpərvərlik ruhunun gənc nəsil arasında təbliği məsələləri müzakirə olunub.

Qeyd edək ki, Vidadi Əliyev cəmiyyətin vətənpərvərlik ruhunda maarifləndirilməsi, şəhid ailələrinin və qazilərin hüquqlarının müdafiəsi, onların sosial rifahının yaxşılaşdırılması istiqamətində fəal fəaliyyət göstərən vətənpərvər insanlardandır. Onun fəaliyyətində dürüstlük, səmimiyyət və vətənə sonsuz sevgi daim ön planda dayanır.

Xidmət etdiyi sahədə qazandığı hörmət, qazilərlə və şəhid ailələri ilə səmimi və doğma münasibət qurması Vidadi Əliyevin yüksək insani keyfiyyətlərə malik olduğunu göstərir. O, hər zaman çətin günlərdə qazilərin, veteranların və şəhid ailələrinin yanında olmuş, onların qayğı və problemlərinə həssaslıqla yanaşmışdır.

Qazilərimizə diqqət və qayğı göstərmək hər birimizin mənəvi borcudur.